追星

早上，朋友B打電話來。

「喂，你仲鍾唔鍾意鄭元暢？」

「做咩？」

「星期六下午拍佢，嚟唔嚟？」那是某台劇的promo。

OMG！超想去──上次她拍伍衛國(！)，叫我去，我已經因為去不到欲哭無淚的了，今次竟然...「嗚嗚...我星期六要拍片...撞期......」

幾小時後──

「星期六shooting取消，因為導演唔得閒...」突如其來的消息，著實令人興奮！

立即打電話給朋友B，我還沒開口，她就大叫：「Bad news!」

「咩事？」

「Schedule改咗，星期一先拍！」

「Oh no！！！」悲鳴...

「哈哈哈哈...」沒人性的笑聲從電話另一端傳來，「你向老細請假喇！」虧她說得出如此低能的建議。

因為追星而請假？我冇咁癲。

「你話你去睇醫生囉。」她繼續建議。

「唔通我同老細講我去睇直樹醫生？！」

「係喎！佢角色係醫生喎，哈哈哈哈...」

張先生說，我幾十歲人竟然去追星...唉，我追星的希望之火未點著已經淋熄了。

說起追星，之前拍documentary出外景，租了van仔，由於我坐前座加上個人實在太無聊，整天跟司機H「閒聊」。

基本上每次租車，我都是直接打電話給H的，他接不到Job就派朋友來，他們的都是新車，坐得舒服，冷氣夠，又有電視睇(出crew的時候可以收看《哈姆太郎》，乃人生快事)；H的朋友之中更有「主題車」──我曾坐過「Keroro車」和「大口仔車」，整架van仔上放滿卡通擺設，倒車聲是卡通主題曲音樂，Keroro車主更說，車隊現有三架「Hello Kitty車」，「叮噹車」就coming soon。

說回追星，司機H說，他們的其中一個收入來源是「追星族」──大家都在電視、新聞見過瘋狂追星族的行徑，除了去機場「圍」偶像，出席Event舉牌揮棒尖叫之外，他們還「追車」，所以，他們通常會租一架van仔，包鐘，一天約十幾小時，屆時，她們會在車窗上貼滿偶像明星相，要求司機播偶像的演唱會CD、DVD，司機H一臉苦的跟我說，廿幾歲的他對著這班初中小妹妹仿佛老了幾十年，完全不知道她們聽甚麼歌迷甚麼偶像。

原來，近年的追星目標，已經不再是本地的星，而是台灣的飛輪海、棒棒堂、唐禹哲、小美、小綜、小豬...(文化果然不同，有人會用這種nick name)追星車要做的工作，就是載著小妹妹整天的在明星的車後面跟，必要時要衝燈切線，由於抄牌風險高，故收費比一般包鐘貴20%左右。

現在的小朋友真富貴，竟然包一架van仔去追星，我真妒忌他們的奢侈。

司機H說：「你計吓，租一日架千幾蚊，佢地五個人夾，每人玩足一日都只不過二百幾蚊落樓！」

「又係喎，玩足一日，抵過唱K！」為甚麼我小時候沒有想到這種娛樂呢？

唉，年紀大了，沒力追了。